Norge

Beatrice Guttormsen (f.1973) har ein master i medium- og materialbasert kunst frå Kunsthøgskolen i Oslo, med spesialisering i grafikk. Guttormsen sine verk er kjøpt inn av Norsk Forening for Grafisk Kunst, Kunst på arbeids-plassen, Agder fylkeskommune, Haugalandmuseet, Oslo kommunes kunstsamling. Guttormsen brukar treskjering og koldnål som ein metode for å hugse tilbake til ting som har skjedd, og tek utgangspunkt hovudsakleg i personlege kjelder, som eigne tekstar, dagbøker, minner og fotografi.

Ho er interessert i dei fysiske spora som handlingar og nærvær skaper, og korleis livet set spor i oss både fysisk og psykisk, på same måte som å rispe noko inn i tre. Alt i prosessen hennar set spor: Kor hardt ho har skore den dagen, kor djupe spora blei, måten ho rører kroppen over treplatene. Den repetitive, langsame handlinga med å skrape ut, blir som ein slags meditasjon og ei øving i å hugse attende.